Harry Potter?

Ég sé fyrir mér að Harry fari til Írak. Írakarnir misskilja fréttirnar á CNN og halda að sjálfur Harry Potter sé kominn til Írak. Honum verður fagnað sem þjóðhöfðingja þar sem að í Írak er Harry Potter vinsæll fyrir galdra og kúnstir. Þeir halda veislu til heiðurs honum og setja hann síðan í spennitreyju, troða honum í tunnu og henda niður foss. Þetta gera þeir í þeirri von að hann muni bjarga sér eins og Harry Houdini en Írakar hafa haldið því fram að hann og Harry Potter sé einn og sami maðurinn. Þetta er samt ekki pottþétt.

Harry Bretaprins sagður á leið til Íraks

Mig sem mann ársins

Ég hvet aðdáendur mína til að senda tölvupóst á [e-mail] og velja
mig sem mann ársins. Keflavík gat komið einhverju dýri þarna í sætið
Herra Ísland þannig að ég hef trú á að ég geti orðið Maður Ársins 2006.
Þið megið byrja núna.

Maður ársins valinn á Rás 2

Matur og hleðsla

Flott að það er byrjað að dæla úr skipinu. Virðist samt hafa farið eitthvað úr því og flotið út á haf. Sem er svo sem betra mál heldur en að þetta sé að malla við ströndina.

En það sem mér finnst áhugaverðast við þessa frétt er að það virðist vera jafn mikilvægt að láta mennina sem eru um "boð" fá mat og að hlaða símana þeirra. Ættu þeir ekki að vera að pæla í því að fylgjast með dælingunni í staðin fyrir að spila Snake eða Super Real Tennis? Þetta er svona eins og að segja að þeim hafi verið færður matur og plasthnífa til að geta skorið matinn.

Dælingu olíu úr Wilson Muuga haldið áfram í alla nótt

Wikiasariaðu það bara!

Ég ætla rétt að vona að herra Wales muni ákveða eitthvað betra nafn á þessa leitarvél heldur en Wikiasari. Google er svo sniðugt nafn. Gúgglaðu þetta bara. Just Google it. Hljómar vel á prenti og í eyrum. Fólk er eiginlega hætt að segja "leitaðu að þessu á netinu"... segir bara "gúgglaðu þetta". Þannig að ef hann ætlar að nota þetta orð... Wikiasari þá þarf maður að segja "Wikiasariaðu þetta bara"... og það hljómar rosalega illa.

Stofnandi Wikipedia þróar leitarvél

Leikari ársins

Ég held að aumingja Drogba sé ekki orðinn nógu sleipur í enskunni og hafi ruglast á orðunum "leikmaður" og "leikari"... þó svo að þau séu ekki neitt lík á ensku. Nú er ég ekki alveg 100% viss en hefur Drogba einhvern tímann á þessari leiktíð verið valinn leikmaður mánaðarins. Ég hef séð Scholes allavega vera valinn tvisvar og fyrir nóvember mánuð var það Christiano Ronaldo. Ef ég fengi að kjósa þá myndi ég ekki kjósa Didier "leikkind" Drogba eins og hann er víst kallaður á heimili sínu besta mann ársins.

Drogba: Ég er leikmaður ársins

Strætó með í göngunni

Ánægður að strætó sjálfur tók sig til og tók þátt í göngunni. Líka ánægður að hann var ekkert að troða sér fremst heldur lúrir hann bara þarna í miðri göngunni eins og sést á myndinni. Heyrði samt að hann hafi neitað að ganga með kyndil vegna hættu á því að það myndir kvikna í honum. Strætó fór samt ekki alla leið því hann sá tilboð á bar á Kofa Tómasar Frænda og fór því ekki lengra.

Gengið til friðar á Þorláksmessu

Sir Paul "Bono" Hewson

Kemur mér svo sem ekki á óvart að hann sé sleginn til riddara. Þó fyrr mætti vera. Búinn að vera duglegur að angra fólk til að hjálpa öðru fólki. Duglegir sör hann Bónó. Það sem mér finnst fyndið er að Bill Gates er Sir. Sir Bill Gates mun ég augljóslega kalla hann eftir þetta. Hafði ekki hugmynd um þetta. Ætli hann hafi fengið þetta fyrir afburðagott og traust stýrikerfi? Jafnvel fyrir að gera Internet Explorer sem er alltaf traustur þegar það kemur að fá vírus í tölvuna. Ekki er apple kallinn sir. Greinilegt að Bill Hliði er að gera betri hluti en hann. Afhverju eru engar konur sir. Eins og t.d. Jennifer Aniston. Sir Jennfer Aniston hljómar nú ekkert illa. Hún er t.d. líklegri að slá mann í herðar niður frekar en t.d. Sir Bill Gates... eða er það ekki annars sem Sörar eiga að gera?

Bono sleginn til riddara

Ansi stórt bil

Hressilega stórt bil þarna. Frá sex til sjöhundruð helgistundir. Hélt fyrst að það væri búið að lengja kannski aðfangadag í 700 klukkustunda dag til að redda einhverjum snúningi jarðar eða einhverjum andskotanum. En svo var ekki. Hvað ertu gamall? Ég er svona 3 til 56 ára.

Milli 6 og 700 helgistundir yfir hátíðirnar

Sveittur borgari - Vitaborgarinn

Jæja við Páll E. erum búnir að henda inn nýjum hamborgaradóm á netið. Getið séð hann akkúrat hér.

"Plúsar fyrir lokaða kokteilsósu, gott lesefni og góðar franskar. Mínusar fyrir vont brauð, hættulegt fólk frá Broadway, hurðin stóð verulega á sér og verð frekar hátt."

Jólijól

Ég er einn af mörgum sem er ekki hrifinn af því að fólk er farið að hengja upp jólaskraut í nóvember. Aðallega samt búðir sem eru að þessum vibba svona snemma. Ekki hrifinn af því skal ég segja þér. Ég á enn eftir að fá "og gleðileg jól" frá afgreiðslufólki. Er jafnvel að pæla að segja við fólk sem segir þetta við mig fyrir svona 15.desember að ég haldi ekki upp á jólin og fara svo að gráta. Það ætti að kenna þeim. Annars þarf maður að fara að huga að jólagjöfum svona bráðlega. Það er yfirleitt allt svo dýrt hérna á fróni og lítið til að ég panta yfirleitt soldið erlendis frá. Og það tekur oft tíma sérstaklega ef það er spilaverslun í Kanada sem tilkynnir manni 30.desember að þeir hafi ekki sent gjöfina því þeir sendi ekki til Íslands. Það mun vera eins og 6 dögum of seint fyrir mig. Annars eru ákveðnar hefðir alltaf sem tengjast jólunum.

Síldarveislan: Pabbi er búinn að vera að æfa sig fyrir hina árlegu síldarveislu sem haldin verður 23.desember eins og vanalega. Karrýsíld, rúgbrauð, egg og kóladrykkur er málið að mínu mati. Veit að mörgum finnst síld ekki góð en þetta venst. Svona eins og blautir sokkar nema þeir venjast ekki.

Jólamyndir: Maður tekur alltaf smá jólamyndamaraþon. Yfirleitt samt bara Die Hard eða Leathal Weapon sem ég enda með að horfa á. Þær eru samt doldið jóla þannig að það sleppur.

Spila: Vildi geta spilað meira um jólin. Fólk samt alltaf í einhverjum boðum og oft erfitt að safna fólki saman í gott spil. Ég held að þessi jólin verði það póker. Fínt að tapa aleigunni svona rétt fyrir jólin.

Jóladagatalið: Og þá er ég ekki að meina dagatalið þar sem maður opnaði myndir úr dagatalinu þar sem þau ferðuðustu á baðkari. Palli átti það dagatal en geymdi það hjá Systu ömmu því hann þorði ekki að viðurkenna það. Ég fæ stundum súkkulaðidagatal og gleymi yfirleitt að borða bitana. Háma svo í mig í einum rykk undir lokin á desember.

Skórinn út í glugga: Ekki viss hvað málið er með sveinka. Hann virðist vera farinn að gleyma mér. Laumar stundum einhverju í skóinn á aðfangadag en það er bara ekki nóg. Er að vinna í því að skrifa formlegt bréf og kvarta í gamalmenninu.

McDonalds í hádeginu á aðfangadag: Við Páll e. gerðum þetta að venju fyrir nokkrum árum. Gerðum þetta aðallega bara til að pirra Brynju hans Páls. Jafnvel að það komi sveittur borgaradómur á aðfangadag í ár. Hvur veit.

Kvöldkaffið á aðfangadag: Fjölskyldan hittist alltaf öll heima hjá ömmu eða einhverjum af systrum mömmu. Það er árlegt á aðfangadagskvöld. Troðið í sig kökum og kannski spilað smá ef tími til gefst.

Ekki fleiri venjur sem ég man eftir í bili nema það að renna ofan í poll í hálkubleytu. Ekki beint venja heldur bara klúður.